Quantcast
منوعات

فنانة شهيرة.. زوجي (كان بيجبلي رجالة من الشارع في البيت).. وفهد بلان دلعني كثير رغم اني كنت واخذه على الإهانة !

تمتعت الفنانة مريم فخر الدين بالصراحة فكان لا يمكن لأحد توقع ماذا ستقول، أو كيف سترد في الأحاديث التلفزيونية،

 

 

حيث تجرأت وتحدثت بشأن علاقتها بزوجها الثالث فهد بلان والمواقف الغريبة في حياتهما.

 

كانت بداية التعارف مُريبة بقدر غرابة الزواج، فقالت مريم إنه عرض عليها الزواج عندما التقيا للمرة الأولى، وتزوجا عام 1967 في لبنان،

 

 

مضيفة: أنا مكنتش طايقة أبص لأي راجل كنت لسه متطلقة من التاني، وشهور العدة مخلصتش، وهو كانت طويل أوي.

 

وقالت: عملت معاه مشهد وأنا وهو بنرقص وبعد ما خلص، لاقيته جي يقولي أنا بدي أتزوجك، فقولتله أنت متعرفنيش أصلا..

 

 

قالي لأ أعرفك من الأفلام وانتي زي ما أنتي أهو، المهم أتجوزنا بعد شهور العدة، أصل الأيد البطالة نجسة، وأنا كنت أتطلق وأتجوز تاني على طول.

 

وقالت: هو كريم وجابلي في يوم واحد راجل كده شكله كحيان، فقولت يمكن قريبه ولا حاجة، وقالي حضري الأكل، وطلعي الحمام وأعملي فراخ وكده، فقولت خلاص أكيد قريبه.

 

وتابعت: والراجل قعد ياكل ومفتحش بوقه، وفي الأخر وهو ماشي، مشيت وراهم أوصل الراجل يعني قريبه ده، فلاقيت فهد مطلع ربع جنيه وأداه للراجل.

 

واستكملت: فقولتله ده أحنا أكلناه حمام بـ 100 جنيه، أديله 200 جنيه مثلا ياكل بيهم ده قريبك، فقالي ده مش قريبي ده سواق التاكسي اللي وصل.